Thesis Title: Filipino – Cebuano: Pagsasaling Komunikatibo sa mga Piling Kuwentong Pambata

PAMANTASAN NG LUNGSOD NG VALENZUELA
Poblacion II, Malinta, Valenzuela City




Filipino – Cebuano: Pagsasaling Komunikatibo sa mga Piling


Kuwentong Pambata




Pananaliksik nina:


del Rosario, Jasmin G.


Fajel, Jennie Rose N.


Gayo, Renz M.




Oktubre 2017

, PAMANTASAN NG LUNGSOD NG VALENZUELA
Poblacion II, Malinta, Valenzuela City
1


Kabanata I


ANG SULIRANIN AT ANG KALIGIRAN NITO

Panimula

Malaki ang impluwensiyang naidudulot ng panitikan sa buhay ng tao,

sapagkat nagagawa nitong mamulat at mabago ang ideya, paniniwala at maging

ang pananaw ng mga mambabasa na siyang nagbubunsod sa lalong ikatataguyod

ng ating lipunan. Nakaangkla ito sa sinabi ni Dr. Zeus Salazar na ang panitikan

ang siyang lakas na nagpapakilos sa alinmang uri ng lipunan. Kung gayon, walang

partikular na uri ng taong binabanggit si Salazar sa pariralang “lakas na

magpapakilos sa lipunan” dahil kahit sino ay maaaring makapagpakilos –

mayaman man o mahirap, babae man o lalaki at kahit maging bata ay maaaring

magkaroon ng ambag sa pag-unlad ng lipunan gamit ang panitikan. Kaya’t

mahalaga na bata pa lamang ay malinang na sa kanila ang pagbabasa ng mga

panitikan gaya ng panitikang pambata.

Ayon sa libro nina Lynch-Brown, C. & Tomlinson, C. (2005) na “Essentials

of Children’s Literature”, ang panitikang pambata ay isang mabisang babasahin

sapagkat nakapaloob dito ang mga makabuluhang paksa na kinahihiligan ng mga

bata. Binigyan ito ng mas malinaw na pagpapaliwanag nina Batnag at Petras

(2009) na “ang panitikang pambata ay puno ng aksyon, gumigising sa

imahinasyon, nakatutugon sa kawilihan ng mga bata, may mga tauhang kilala ng

, PAMANTASAN NG LUNGSOD NG VALENZUELA
Poblacion II, Malinta, Valenzuela City
2


mga bata o makauugnay sa mga bata, nagtuturo ng kagandahang asal at

moralidad nang hindi tahasan o tuwiran.” Samakatuwid, ang panitikang pambata

ay kinakailangang nakapupukaw sa interes ng mga bata at nagtataglay ng mga

makabuluhang paksa upang makapaghatid ng aral na magagamit ng bata sa

kanyang lipunan.

Sa ngayon, ang panitikan gaya ng panitikang pambata o kuwentong

pambata ay ginagamit na lunsarang teksto sa pagtuturo ng mga aralin sa pormal

na paaralan. Bago ang kasalukuyang Programang Pang-edukasyon na K to 12

Kurikulum, marami sa mga pantikan ang nakasulat sa wikang Filipino at Ingles

dahil ito ang midyum na ginagamit ng guro sa pagtuturo, ngunit dahil sa

pagkakaroon ng Mother Tongue-Based Multilingual Education (MTB-MLE),

kinakailangan ngayong maglimbag o magsalin ng mga akda na nakasulat sa iba

pang pangunahing wika sa Pilipinas.

Ayon sa Batayang Kurikulum ng programang Mother Tongue-Based

Multilingual Education (MTB-MLE), nilahad nito na:

“MTB-MLE is education, formal or non - formal, in which the
learner’s mother tongue and additional languages are use in the
classroom. Learners begin their education in the language they
understand best - their mother tongue - and develop a strong
foundation in their mother language before adding additional
languages. Research stresses the fact that children with a solid
foundation in their mother tongue develop stronger literacy abilities
in the school language. Their knowledge and skills transfer across

, PAMANTASAN NG LUNGSOD NG VALENZUELA
Poblacion II, Malinta, Valenzuela City
3


languages. This bridge enables the learners to use both or all their
languages for success in school and for lifelong learning. In terms
of cognitive development, the school activities will engage learners
to move well beyond the basic wh-questions to cover all higher
order thinking skills in L1 which they can transfer to the other
languages once enough Filipino or English has been acquired to
use these skills in thinking and articulating thoughts.” (mula sa
DepEd K to 12 Curriculum Guide – Mother Tongue series of
December 2013)

Tungo sa pagsasakatuparan ng programang MTB-MLE, mahalaga ang

magiging gampanin ng pagsasaling-wika at upang makapag-ambag, ang mga

mananaliksik ay nakabuo ng isang pag-aaral. Sa pag-aaral na ito, sisikapin ng

mga mananaliksik na isalin ang ilang akdang pampanitikan, partikular ang mga

kuwentong pambata. Nakasentro ang pagsasalin sa kuwentong pambata

sapagkat isa ito sa mga lunsarang teksto na ginagamit sa pagtuturo ng Mother

Tongue-Based Multilingual Education (MTB-MLE). Isasalin ito sa komunikatibong

paraan ng pagsasalin mula sa wikang Filipino patungong wikang Cebuano. Pinili

ang wikang Cebuano sapagkat sa lahat ng pangunahing wika sa Pilipinas, ito ang

pinakamalapit sa mga mananaliksik.