NSO1506 ASSIGNMENT 01 2024

Asaenemente 01 Ditaelo: (1) O se kopolle Pukutlhahlo ge o araba dipotšišo tše. (2) Bala Lengwalothuto le ka šedi mabapi le Pholaetšareseme le Bohwirihwiri. Potšišo 1 Theto (1) Kgetha karabo e tee ya maleba go tloga go (a) go fihlago go (j). Ngwala lentšu e sego nomoro. Mohlala (a) Kitingwa (10) (a) Direto di ka retwa mafelong a go swana le ge go: (i) Kitingwa (ii) Bapalwa (iii) Tumišwa (iv) Robetšwe (b) Mehuta ye mebedi ya thetotumišo ke: (i) Thetotumišo ya mehleng yeno le ya mehleng ya bjale (ii) Thetotumišo ya segologolo le thetotumišo ya sebjale (iii) Thetotumišothomo le thetotumišophetšo (iv) Thetotumišonyefolo le thetotumišotsholo (c) Matseno a thetotumišo ya sebjale a tsebega ka fomula ye: (i) Kgomo e a fokola (ii) Kgomo e a tsha (iii) Kgomo e a swa (iv) Ga e na formula (d) Lefoko le le hlaloša mohuta ofe wa theto/sereto “Sereto se se tšweletša maikutlo a go kwa bohloko goba a manyami ka seo se diregilego” (i) Thetonyefolo (ii) Lehlologelwa (iii) Thetosello (iv) Thetokanegelo (e) Lefoko le le hlaloša mohuta ofe wa theto/sereto “Go nyefola le go gegea maitshwaro le ditiro tšeo di sa amogelegego” (i) Thetonyefolo (ii) Lehlologelwa (iii) Thetosello (iv) Thetokanegelo (f) Dikapolelo ke mohuta ofe wa sebopego sa sereto (i) Sebopego sa ka gare (ii) Sebopego sa gare (iii) Sebopego sa ka thoko (iv) Sebopego sa ka ntle (g) Lefoko le le hlaloša mohuta ofe wa sekapolelo “Ke sekapolelo se se swantšhago goba se bapetšago dilo tšeo di nyakilego go swana ka dika. Sona se tsebega ka mantšwana a “bjalo ka”,“nke ke”, “o ka re ke”. (i) Tshwantšhišo (ii) Tshwantšhanyo/papišo (iii) Mothofatšo (iv) Pheteletšo (h) “Moreti o reta selo seo se itšego efela a se a lebiša sona thwii. Ka mantšu a mangwe selo seo moreti a se retago se emela se sengwe” ke mohuta ofe wa sebopego sa ka gare (i) Mothofatšo (ii) Maikutlo (iii) Sekai (iv) Kgwekgwe (i) Lentšwana le “Ke” mo temathetong yeo e latelago le laetša mohuta ofe wa sebopego sa ka ntle. “Ke bona fase le kgabile ka matšoba, Ke mehutahuta ya mainaina gohle legoleng, Ke ditšwammele tša tlhago bokgabobophethegi, Ke dihakgatšanaga monkomobose moenelalegohle Ke dinswantšhaphelo khamera tša boitshenko, Ke malebatšapelo maswantšhabotse le tirelo, Ke boitshedimošo bja borasaentshe le bahlale, Ke bothakgapheteletšo bja atla tša Ratšohle” (Go tšwa go Matšoba ka NS Puleng) (i) Molaetša (ii) Maikutlo (iii) Kgwekgwe (iv) Morumokwano (j) Kelelothalo ke (i) ge kgopolo ya mothalotheto e elela mothalothetong wa go latela (ii) peakanyo yeo e itšego ya medumo ya mantšu methalothetong (iii) tabakgolo yeo e gapeleditšego moreti go ngwala sereto se se itšego (iv) mokgwa woo moreti/mmadi a ikwago ka gona mabapi le diteng tša sereto. (2) Ngwala mehuta ye mehlano ya theto o be o hlaloše mohuta wo mongwe le wo mongwe ka bokopana. (10) /20/ Potšišo 2 Kanegelokopana (a) Tlhaloša mareo ao a latelago ka bokopana. (i) Thulaganyo (2) (ii) Thulano (2) (iii) Tikologo (2) (v) Kgwekgwe (2) (vi) Baanegwa /10/ Potšišo 3 Dinonwane Ngwala Nnete goba Maaka mo mafokong ao a latelago: (a) Dinonwane ke mohuta wa dingwalo woo o nago le sepopego tšeo di ikgethilego tšeo di sepelelanago le tiragatšo, (b) Dinonwane di ithekgile ka motheeletši yoo a hlamago mantšu ka tiragalo ye itseng. (c) Nonwane e lemogwa ka modiragatši le tiragalo fela. (d) Matseno a nonwane a tsebega ka fomula ye “kgalekgale”.fela (e) Bao ba theeleditšego ge ba araba modiragatši ba re: ‘Keleketla” (f) Bofelo bja nonwane e ka ba “Mpho! Seseo sa moselana wa seripa” (g) Nonwane ya kakanyatlhalošo (tlhago le tlholego)(Myth) ke kanegelo ya histori yeo e nago le kgwekgwe ya histori go swana le leina la mokgathatema yo a itseng yoo tlholego ya gagwe ya histori e dikologilwego ke dimakatšo. (h) Ke ka lebaka la eng ge pela e ile ya hloka mosela ke mohlala wa nonwane ya kakanyatlhalošo. (i) Kgolomodumo ke mohlala wa nonwane ya tsholo (fable). (j) Baanegwa ba diphoofolo ka go dinonwane ba tšweletšwa e le dilo tša go se kgone go nagana. /10/ Potšišo 4 Dikošana tša bana (a) Ngwala dielemente tše nne tša dituntuletšo le dikošanathaloko tša bana (5) (b) Hlaloša mehola ye mehlano ya dikošanathaloko tša bana (5) /10/ PALOMOKA: [50]