Briefie aan Madiba
Sandra O’Kelly
Sandra O’Kelly, ’n boervrou van Willowmore, het in 2008 met
Briefie aan Madiba ingeskryf vir Huisgenoot se
liedjieskryfkompetisie. Sy het ’n pragtige lofprysing geskryf wat
deur Sarah Theron getoonset en gesing is. Die lirieke bring hulde
aan die geliefde, ontslape staatspresident van SuidAfrika, Nelson
Mandela. Deur middel van Huisgenoot het Sandra O’Kelly selfs
die geleentheid gekry om vir Madiba te ontmoet en die “briefie” is aan hom voorgelees. Hy
het daardie dag ook ’n paar CD’s van Sarah Theron ontvang.
Nelson Mandela was die eerste, demokraties verkose, staatspresident van Suid-Afrika. Hy
was 27 jaar in die tronk op Robbeneiland
weens sy antiapartheidsaktiwiteite. Hy
het vanaf 1994 - 1999 Suid-Afrika regeer
en was ’n baie geliefde staatsman. Hy is
op 18 Julie 1918 gebore en het op 5
Desember 2013 gesterf.
Foto: Nelson Mandela
Tema: Bewondering vir Nelson
Mandela.
Boodskap: Die leser word gedwing
om na te dink oor Nelson Mandela
se eienskappe en om sy
nagedagtenis te respekteer.
Spreker: iemand wat Nelson
Mandela bewonder
Aangesprokene: Nelson
Mandela/Madiba
, 2
Digvorm
Ode/lofdig: ’n gedig wat Nelson Mandela se lof besing/hulde aan hom
bring. ’n Lofdig kan ook refreine soos die herhaling van strofe 1 en 7, 4
en 6 bevat. Dit gee aan die gedig ’n sangerigheid.
Liriek – die woorde van ’n lied. Die gedig is in 7 kwatryne opgedeel.
Strofe 6 is ’n herhaling van strofe 4 en die eerste en laaste strofe is ook
min of meer dieselfde. Die herhaling is funksioneel, want in ’n lied word
sekere dele as ’n refrein herhaal.
Liriese gedig Die woord is afgelei van die musiekinstrument “lier”.
Liriese gedigte is gedigte wat gesing kan word en wat ingestel is op
emosies. Die spreker se belewenis word weergegee as bewondering vir
Nelson Mandela.
Rymsoort
Die paarrym in strofes 1 en 4 tot
7 is funksioneel, want dit verwys • Strofe 1: paarrym
na die twee persone, “my” en
• Strofe 2: gebroke rym
“jou” (die spreker en die
aangesprokene). Dit verbind ʼn • Strofe 3: gebroke rym
ervaring van die spreker met ʼn
• Strofe 4: paarrym
ervaring van Madiba.
• Strofe 5: paarrym
• Strofe 6: paarrym
• Strofe 7: paarrym